Հայր Փասքալ Պուրրի, անեցալ մէկ Սեպտեմբերէն սկսեալ նշանակուած է ``հոգեւոր հայր`` Վատիկանի
զուիցերական պահակագունդին։ Ան իր այս պաշտօնով կ`ուզէ իմաստ ու նշանակութիւն տալ 110
զուիցերացի զինուորներու կեանքին։ Զուիցերացի զինուորները կ`ապահովեն Սրբազան Քահանայապետի
Կեանքին առօրեայ պաշտպանութիւնը։ Հայր Փասքալ Պուրրի պահակագունդին կ`երաշխաւորէ առօրեայ
ծիսակատարութիւնը եւ իւրաքանչիւր պահակին հոգեւոր առաջնորդութիւնը։ Ան միաժամանակ հրամանատարին
հետ միասին պատասխանատու է պահակներու աստիճանի բարձրացումին։ Պատասխանատու է նաեւ
տարեկան ուխտագնացութեան դէպի Տիրամօր Լուրտի սրբավայրը։ Յայտնենք որ զուիցերական
պահակագունդը առանձին աշխարհ մըն է Վատիկանի փոքրիկ պետութեան մէջ։ Բազմազբաղ ըլլալով
աշխատանքի ժամերուն, յաճախ աշխարհէն կղզիացած կը մնան, հոգեւոր հօր պարտականութիւններէն
մէկն է հսկել անոնց հոգեկան, մտային ու ֆիզիքական անվտանգութեան վրայ։ Հայր Փասքալ
Պուրրի կը յաջորդէ գերապայծառ Ալէն Տէ Ռէմի, որ վեջերս եպիսկոպոս նշանակուեցաւ ֆրանչիսկոս
Քահանայապետի կողմէ։